COMPETICIÓN NACIONAL DE PORRIDGE 12:00

Despois de viaxar ata Escocia da man de The Golden Spurtle e descubrir que hai quen leva moi en serio iso de facer gachas… chega o momento de demostrar o talento local.

Da man da Fundación Juana de Vega, celebramos a nosa pequena homenaxe ao porridge cun taller aberto e unha competición amigable onde aprender, mesturar, probar e, quen sabe, coroar a mellor cunca da cidade.

E se queres darlle o teu toque persoal… podes traer a túa propia pota, a túa avea e o teu leite favorito para preparar a túa receita como máis che guste. Se non, teremos materiais nós tamén.

Un encontro para gozar da comida, da creatividade e do bo humor, igual que na película… pero desta vez con vós ao mando 👩🏼‍🍳

📄 Entradas limitadas ata 15 participantes.